Ronalduning goli «Yuve»ga g'alaba olib keldi

Italiya chempionatining 16-turidan o'rin olgan  “Torino” – “Yuventus” uchrashuvi yakuniga etdi. “Olimpiko di Torino”da kechgan bahsda mehmonlarning qo'li baland keldi.

Uchrashuvdagi yagona gol 70-daqiqada Krishtianu Ronaldu tomonidan kiritildi. Portugaliyalik futbolchi penaltini aniq bajarib, jamoasiga g'alaba keltirgan golga muallif bo'ldi.

Shu tariqa, “Yuventus” ochkolarini 46taga etkazib olgan holda turnir jadvalida yakka peshqadamlikni davom ettirmoqda. “Torino” (22) oltinchi pog'onada qoldi.

A Seriya, 16-tur

Torino – Yuventus 0:1 (0:0, 0:1)

Gol: 0:1 – 70, penalti Ronaldu.

Torino – Sirigu (Ichaso, 20), Djidji, Itstso, Ansaldi (Paridjini, 75), Nkulu, Rinkon, Bazelli, Meyte, Ayna (Berenger, 85), Dzadza, Belotti.

Yuventus – Perin, Bonuchchi, Aleks Sandro, De Shilo, Kellini, Jan, Pyanich, Matyuidi, Ronaldu, Dibala, Mandjukich.

Ogohlantirishlar: Dzadza (27), Pyanich (48), Jan (51), Ronaldu (70), Ansaldi (72), Perin (90).