O'zbekiston Superkubogi bahsini boshqarib boradigan hakamlar ma'lum

O'zbek futbolining yangi mavsumi, O'zbekiston Superkubogi-2021 uchrashuvi bilan start oladi. Unda amaldagi chempion «Paxtakor» hamda chempionatning kumush medallari sohibi «Nasaf» yana bir sovrin uchun kurash olib boradi.

Samarqand shahridagi «Dinamo» stadioni mezbonlik qiladigan qarama-qarshilikni Vadim Agishev boshchiligidagi hakamlar guruhi boshqarib boradi. Unga qanotlarda Ruslan Serazitdinov va Timur Gaynulin yordam berishadi.

Zaxira hakami vazifasini esa Rahimbek Karimov bajaradi. Uchrashuv nazoratchisi Bobur Haydarov, komissar Jahongir Rahmatullaev.

Eslatib o'tamiz, o'yin Samarqand shahri, «Dinamo» o'yingohida, soat 16:00da start oladi.