«Man. Siti» Zinchenkoni «Atalanta» futbolchisiga almashtirmoqchi

«Manchester Siti» ukrainalik himoyachi Aleksandr Zinchenkoni sotmoqchi, deb xabar beradi Tuttomercatoweb.

Ingliz klubi Zinchenkoni «Atalanta» himoyachisi Robin Gosensga almashtirishni rejalashtirmoqda. «Shaharliklar» bosh murabbiyi Xosep Gvardiola bu yozda Gosensni Manchesterga olib kelishga harakat qiladi.

Shu sababli ingliz klubi Zinchenko borasidagi takliflarni ko'rib chiqmoqda. Avvalroq, Aleksandrga «Yuventus», «Napoli» va «Latsio» klublari qiziqish bildirayotgani haqida xabar qilingan edi.

Eslatib o'tamiz ukrainalik futbolchining «Manchester Siti» bilan amaldagi shartnomasi 2024 yilnig iyun oyigacha amal qiladi.

Ma'lumot uchun 24 yoshli ukrainalik himoyachi joriy mavsum manchesterliklar bilan APL doirasida 12 o'yin o'tkazgan.