«Yuventus» — «Napoli» qoldirilgan o'yini qachon o'tkazilishi ma'lum bo'ldi

Italiya chempionatining 3-turidan o'rin olgan, ammo keyinroqqa qoldirilgan «Yuventus» — «Napoli» uchrashuvining o'tkazilish muddatini aniq bo'ldi. A seriya mazkur bahsni 17 mart sanasiga belgilandi. O'yin Toshkent vaqti bilan 22:45da boshlanadi.

Eslatib o'tamiz, 3 oktyabr kuni bo'lib o'tishi kerak bo'lgan o'yinga "Napoli" jamoasi tashrif buyurmagani uchun ularga dastlab texnik mag'lubiyat yozilgan edi. Ammo neapolliklar apellyatsiya berishdi. Sport kafolatlari kengashi texnik natijani bekor qilib, o'yinni qayta o'tkazish haqida qaror chiqardi.

Eslatib o'tamiz, oktyabr oyida "Napoli" a'zolarida koronavirus aniqlangani uchun tibbiy xizmat vakillari jamoaning mamlakat bo'ylab harakatlanishini taqiqlab qo'ygan edi. Shu bois, jamoa "Yuve"ga qarshi o'yinga bormagandi.