Rasman. «Yuventus» Makkennini «Shalke»dan sotib oldi

«Shalke» klubi va AQSh terma jamoasi yarim himoyachisi Ueston Makkenni «Yuventus»ning to'laqonli a'zosiga aylandi. Turinliklar futbolchini 2020 yilning yozida bir yilga ijaraga olishgan edi.

«Keksa sinora» 22 yoshli futbolchi uchun 18,5 mln. funt sterling to'laydigan bo'ldi. Makkennining o'yinidan kelib chiqib ushbu summa yana 6,5 mln. funtga oshishi mumkin. Makkenni bilan 2025 yilning 30 iyuniga qadar shartnoma imzolandi.

Makkenni futbolchilik faoliyatini "Dallas"da boshlagan bo'lib, keyinchalik «Shalke»ga ko'chib o'tgandi.

Ueston «Yuventus» safida barcha musobaqalar doirasida 31ta o'yinda maydonga tushib, 5ta gol urdi va 2ta golga uzatma berdi. U AQSh terma jamoasi formasida 21ta o'yin o'tkazib, 6ta gol urgan.