Rossiya kubogi. Oston O'runov golli uzatma amalga oshirgan o'yinda «Ufa» yirik hisobda g'alaba qozonib, chorak finalga chiqdi (videosharh)

Rossiya Kubogining 1/8 finalida «Ufa» 3 mart chorshanba kuni «Ural» bilan bahs yuritdi.

Uchrashuvning birinchi bo'limida hisob ochilmadi. Ikkinchi bo'lim debyutida Oston O'runovning uzatmasidan keyin Timur Jamaletdinov hisobni ochdi.

62-daqiqada maydon egalari penalti ishlab oldi, uni Komnen Andrich golga aylantirdi. Oradan besh daqiqa o'tib, Jamaletdinov dublni rasmiylashtirgan holda hisobni yirik ko'rinishga olib keldi.

O'runov asosiy tarkibda maydonga tushib, 79-daqiqada zaxiraga olindi.

Shu tariqa, «Ufa» Rossiya Kubogining chorak finaliga yo'l oldi. Undan avval «Lokomotiv», «Sochi», «Dinamo», «Arsenal», TsSKA, «Axmat» va «Krilya Sovetov» jamoalari yo'llanmaga ega chiqqandi.

Rossiya kubogi, 1/8 final
3 mart, chorshanba
«Ufa» — «Ural» 3:0
Gollar: 1:0 – 50 Jamaletdinov, 2:0 – 62, penalti Andrich, 3:0 – 67 Jamaletdinov.
«Ufa»: Belenov, Tabidze, Pliev, Yokich, Mrzlyak, O'runov (Kamilov, 79), Miletich (Zantiev, 89), Bizoza (Sisuev, 79), Suxov, Jamaletdinov (Golubev, 79), Andrich (Krotov, 66).
«Ural»: Konovalov, Strannberg, Kulakov (Adamov, 80), Gerasimov, Kalinin, Mishkich (Augustinyak, 63), Yovichich, Egorichev (Evseev, 80), Gajimuradov, Ibrahimay (al-Kabir, 68), Panyukov (Maksimenko, 69).
Ogohlantirishlar: Bizoza (40), Pliev (43), Suxov (64), Mrzlyak (66), Miletich (89).