«Arsenal» etakchilaridan biri bilan xayrlashishi mumkin. Futbolchiga uchta Evropa giganti xaridor

«Arsenal» hujumchisi Aleksandr Lyakazett yozgi transferlar vaqtida jamoasini o'zgartirishi mumkin.

Frantsiyalik hujumchining «Kanonirlar» bilan shartnomasi 2022 yilning yoziga qadar amal qiladi. «Arsenal» rahbariyati esa Lyakazettga yangi shartnoma taklif qilishni rejalashtirmayapti, bu uning jamoadan erta ketish ehtimolini sezilarli darajada oshiradi.

Londonliklar hujumchi uchun takliflarni ko'rib chiqishga tayyor. Lyakazettga uchta klub, «Atletiko», «Monako» va «Roma» da'vogarlik qilmoqda.

Qayd etish mumkin, 29 yoshli futbolchi ushbu mavsum, «Arsenal» tarkibida barcha musobaqalarda 30 o'yin o'tkazib, 11 gol va 3 golli uzatmani muallifiga aylangan.