Salox Tokio olimpiadasida ishtirok etishi mumkin

"Liverpul" hujumchisi Muhammad Salox Misr Olimpiya terma jamoasi bilan Tokio Olimpiadasida ishtirok etish uchun chaqirilishi mumkin.

«Hozirgi kunda Salah dunyoning eng yaxshi o'yinchilaridan biri. Shu tufayli uni olimpiya jamoasiga jalb etish yaxshi va normal holat. Biz mart oyida bo'lib o'tadigan xalqaro tanaffusdan so'ng "Liverpul" bilan bu borada rasmiy muzokaralarni boshlaymiz», - deydi Misr olimpiya jamoasi murabbiyi Shaki G'arib.

23 yoshgacha bo'lgan futbolchilar ishtirok etadigan musobaqada murabbiylar tarkibga uchtagacha katta yoshli o'yinchini kiritishlari mumkin.

Eslatib o'tamiz, Tokio Olimpiadasi 2021 yil 23 iyuldan 8 avgustgacha bo'lib o'tadi.

Manba: Ahran online