"Everton" Liverpulda "Sautgemton"ni kichik hisobda mag'lub etdi

Angliya premer Ligasining 26 - turining so'ngi uchrashuvi Liverpulda o'tkazildi. Unda mahalliy «Everton» jamoasi o'z maydonida «Sautgempton»ni qabul qildi va 1:0 hisobida zafar quchdi. Uchrashuvni hujumkor tarzda boshlagan mezbonlar 9 - daqiqaga kelib hisobni ochishga erishdi. Jamoaning braziliyalik futbolchisi Richarlison o'ziga yuklatilgan vazifani a'lo darajada bajardi. Uchrashuvning qolgan daqiqalarida ham har ikki jamoa bir qancha hujumlar uyushtirishdi, ammo darvozalarga gol urish boshqa hech qaysi jamoaga nasib qilmadi.

«Everton» - «Sautgempton» 1:0

Gol: Richarlison (9)

«Gudison Park» stadioni

"Everton" – Pikford, Kin, Xolgeyt, Godfri, Din, Andre Gomesh (Ivobi, 87), Allan, Sigurdsson, Dukure, Kelvert-Lyuin, Risharlison (King, 90).

"Sautgempton" – Forster, Bertran, Salisu (Tella, 63), Vestergor, Bednarek, Uord-Prouz, Redmond (Uotts, 88), Djenepo, Armstrong, Ingz, Adams (Nlundulu, 77).