«Bunyodkor» stadionida VAR tizimiga sharoit yaratildi

Xabaringiz bor, O'zbekiston futbol assotsiatsiyasi va O'zbekiston professional futbol ligasi hamkorligida 2021 yilgi futbol mavsumini yuqori saviyada o'tkazish hamda barcha uchrashuvning shaffofligini ta'minlash maqsadida Superliganing bu yilgi mavsumidan e'tiboran har turda kamida ikkita o'yinda VAR (video assistant referee) tizimi ishlaydi.

Shu munosabat bilan O'zbekiston futbol assotsiatsiyasi klublarga rasmiy xat bilan murojaat qilib, jamoa o'z uy uchrashuvlarini o'tkazadigan stadionni VAR tizimi uchun texnik tomondan tayyorlash vazifasini belgilab bergan edi. Unga ko'ra, «Bunyodkor» stadionida bir qator texnik ishlar amalga oshirildi va o'yingohimizda VAR tizimi ishlashi uchun barcha sharoitlar yaratildi. Quyida bajarilgan vazifalarni suratlarda, izohlari bilan ko'rishingiz mumkin. 

1. VAR avtomobili KTS (ko'chma televizion stantsiya) yonida turishi uchun alohida joy.

2. VAR avtomobiliga ulanish uchun alohida LAN kabel orqali (minimum 10 m/bit tezlikda) tashqi internet.

3. VAR avtomobiliga alohida (KTS ga muqobil, ya'ni ta'siri bo'lmagan holda) doimiy elektr manbai bilan quvvatlanishi uchun 3 kvt. quvvatni ko'tara oluvchi ikkitadan avtomat va evro standartdagi rozetka.

4. Maydonda hakam vaziyatni ko'rishiga o'rnatiladigan ekran uchun (on field review) alohida joy va muqobil elektr manbai.

5. VAR avtomobili turgan joydan maydonda hakam vaziyatni ko'rishi va o'rnatiladigan ekran uchun (on field review ) doimiy turuvchi koaksial kabel.

6. O'yindan tashqari holatni qayd etuvchi kameralar hududning har biriga ikkitalik doimiy elektr manbalari.

Manba: fcbunyodkor.com