Jorjina Rodriges qanday qilib Krishtianu Ronaldu o'zining qalbini zabt etganini aytdi

"Yuventus" hujumchisi Krishtianu Ronalduning qallig'i Jorjina Rodriges umr yo'ldoshi bilan munosabatlari haqida fikr bildirdi.

"Men undan ko'p narsa o'rgandim. Krishtianu menga yordam beradi, o'rgatadi va menda motivatsiya uyg'otadi. Rostini aytsam, dastavval u bilan yonma-yon shug'ullanishdan uyalardim. Axir u — Krishtianu Ronaldu! Lekin keyin hammasi o'zgardi. U meni ruhlantiradi.

Krishtianu — ajoyib ota va oilaparvar inson. Men orzu qilgan eng yaxshi erkak. Krishtianu juda mas'uliyatli. U o'z ishini yaxshi ko'radi. U o'zining ushbu xislatlari bilan meni hayron qoldirdi va o'ziga rom ayladi", - dedi Jorjina "Sportweek" nashriga bergan intervyusida.

Eslatib o'tamiz, Ronaldu Jorjina bilan 2016 yilda tanishgan. Rodriges Madriddagi butiklardan birida ishlardi. U futbolchidan bir qizni dunyoga keltirgan. Shuningdek, Jorjina futbolchining yana 3 nafar farzandini tarbiyalamoqda.

Manba: isport.ua