Arteta: «Lester» hisobda oldinga o'tib olsa, APLning eng xavfli jamoalaridan biriga aylanadi

«Arsenal» bosh murabbiyi Mikel Arteta Angliya chempionatining 26-turi doirasida bo'lib o'tgan «Lester»ga qarshi o'yin (3:1) borasida o'z fikrini bildirib o'tdi.

«Raqibning saviyasini olganda, shogirdlarimning bugungi harakatlari maqtovga loyiq. Men rostmana ular bilan faxrlanaman.

Ushbu o'yin oldidan zich taqvimdan xavotirda edim. Lekin, keling, charchoq haqida gapirmaymiz.

«Lester» hisobda oldinga o'tib olsa, APLning eng xavfli jamoalaridan biriga aylanadi. O'tkazib yuborilgan golga o'z vaqtida reaktsiya bildirdik. Biz ajoyib o'yin o'tkazdik.

Pepe barqaror o'yin ko'rsatmoqda, biz undan aynan shuni kutamiz. U vaziyatlar yaratmoqda, uning harakatlaridan qoniqish hosil qildim.

Biz jadvalda haddan tashqari pastda joylashganmiz (10-o'rin). Holatimizni yaxshilashimiz kerak. Buni amalga oshirishning yagona yo'li — g'alaba qozonish», – dedi Arteta.

Manba: sports.ru