Rasmiy xabar! «Bunyodkor» sardori Koreya klubiga o'tdi

Toshkentning “Bunyodkor” klubi yarimhimoyachisi Javlon Ibrohimov “qaldirg'ochlar”ni safini tark etdi.

Ibrohimov Janubiy Koreya quyi divizionining “Suvon” klubi bilan shartnoma imzoladi. Bu haqda koreys klubi rasmiy sayti xabar tarqatdi.

Ta'kidlab o'tish joiz, bu Koreya futbolining etakchi klubi “Suvon Samsung Blyuvingz” klubi emas, quyi liga vakili bo'lgan boshqa “Suvon”.

Ayni vaqtda, 28 yoshda bo'lgan Ibrohimov yangi jamoasida 70-raqamda o'ynaydi. Shartnoma shartlari va bandlari oshkor qilinmadi.

Shu tariqa, ayni damda Janubiy Koreyadagi o'zbekistonlik legionerlar soni uch nafarga etdi. Oldinroq Rustam Ashurmatov «Gvanju»ga, Ikrom Aliboev esa «Seul»ga o'tgandi.