Ekstraklas. «Legiya» g'alaba qozondi, Yaxshiboevning debyuti keyingi o'yinga qoldi

Polsha chempionatining 19-turi doirasida «Legiya» safarda «Gurnik» klubi mehmoni bo'lib, uch ochkoni qo'lga kiritdi.

Varshavaliklar 4-daqiqadayoq Kapustkaning goli evaziga hisobni ochishgan bo'lsa, maydon egalari birinchi bo'limga qo'shib berilgan daqiqalarda penaltidan muvozanatni tiklashdi.

Zaxiradan maydonga tushgan Kostoj esa o'yin tugashiga 8 daqiqa qolganida "Legiya"ga g'alaba keltiruvchi gol muallifiga aylandi. Varshavaliklar ushbu g'alabadan so'ng o'z ochkolarini 39taga etkazib, peshqadamlikni mustahkamlashdi.

O'zbekistonlik hujumchi Jasur Yaxshiboev uchrashuv qaydnomasidan o'rin olgan bo'lsa-da, u maydonga tushirilmadi. Uning "Legiya" tarkibidagi debyuti keyin o'yinlarga qoldi.

Polsha chempionati, 19-tur
«Gurnik» - «Legiya» - 1:2
Gollar: Ximenes (45+2-penalti) — Kapustka (4), Kostoj (82)