«Stranja-2021»da 3ta oltin medalni qo'lga kiritdik

Bolgariya poytaxti Sofiya shahrida an'anaviy 72-«Stranja kubogi» musobaqasida bugun final janglari bo'lib o'tdi. Unda erkaklar terma jamoamizning 3 vakili ishtirok etishdi.

Bobousmon Baturov (69 kg.), Dilshodbek Ro'zmetov (81 kg.) va Bahodir Jalolov (+91 kg.) o'z raqiblarini mag'lub etib, oltin medallarni qo'lga kiritishdi.

Ushbu musobaqada ishtirok etgan Navbahor Hamidova, Shahobiddin Zoirov va Asadxo'ja Mo'ydinxo'jaev bronza medallariga sazovor bo'lishdi.

Final jang qilgan o'zbekistonlik bokschilar va ularning natijalari:

-69 kg: Bobousmon Baturov - Evgeniy Barabanov (Ukraina) - 5:0

-81 kg: Dilshodbek Ro'zmetov - Ruslan Koleshnikov (Rossiya) - 5:0

+91 kg: Bahodir Jalolov - Tsone Rogava (Ukraina) - 4:1.