O'zPFL o'z ishiga professional munosabatda bo'lmagan «Lokomotiv», «Qo'qon-1912» va «Buxoro»ni jarimaga tortadi

Yurtimizda yangi mavsum start olishiga borgan sayin oz muddat qolmoqda.  

O'zbekiston Professional futbol ligasi klublarga yangi mavsum uchun o'z futbolchi, murabbiy hamda rasmiy shaxslarini PFLda ro'yxatdan o'tkazish bo'yicha grafik taqdim etgan edi.

Deyarli barcha klublar o'zlari uchun belgilangan muddatda ro'yxatdan o'tkazish jarayonini amalga oshirishmoqda. Biroq “Lokomotiv”, “Qo'qon-1912” va “Buxoro” klublari jadvalda belgilangan muddatlarda jamoa futbolchi, murabbiy hamda rasmiylari hujjatlarini ro'yxatdan o'tkazish uchun olib kelmadi.

Ariza hujjatlarini rasmiylashtirish O'zPFL tomonidan belgilangan jadvalga muvofiq amalga oshirlishi, muddatga amal qilmaslik esa O'FAning Intizom va odob-ahloq qo'mitasi kodeksiga muvofiq jarima solinishiga olib kelishi Musobaqalar reglamentida belgilab qo'yilgan. Qayta ariza topshirishga jarima to'langandan keyin ruxsat beriladi.