BAA Pro-Ligasi. Jaloliddin Masharipovning 2 ta golli uzatmasi «Shabob al-Ahli»ga g'alaba keltirdi (videosharh)

BAA Pro-Ligasining 18-turidan o'rin olgan bir nechta uchrashuv 26 fevral, juma kuni bo'lib o'tdi.

Ushbu turda Otabek Shukurov harakat qiladigan «Sharja» klubi o'z maydonida peshqadamlardan biri «Al-Jazira»ni qabul qildi. Bellashuvda mehmonlarning qo'li baland keldi. Muhammad Robiiyning 14-daqiqadagi goli «Al-Jazira»ni hisobda oldinga olib chiqdi. 36-daqiqada Ali Mabhut hisobni oshirdi. 60-daqiqada mehmonlar Abdulla Ramadonning chetlatilishidan keyin bir o'yinchi kam bo'lib qoldi, biroq maydon egalari bundan unumli foydalana olmadi. Hakam tomonidan qo'shib berilgan vaqtda Mabhut hisobni yirik ko'rinishga olib keldi.

Uchrashuvda o'zbekistonlik yarim himoyachi to'liq harakat qildi. Shu tariqa «Al-Jazira» ochkolarini 40 taga etkazib olgan holda birinchi o'ringa ko'tarildi. «Sharja» (37) esa ikkinchi o'ringa tushdi.

Ushbu turning yana bir bahsida Jaloliddin Masharipov to'p suradigan «Shabob al-Ahli» o'z maydonida «Xor-Fakkan»ni qabul qildi. Bellashuvda mezbonlar 2:3 hisobida ortda qolayotgan vaqtda o'zbekistonlik futbolchi 81-daqiqada maydonga tushdi va shu zahoti o'z hisobiga golli uzatma yozdirib qo'ydi. 89-daqiqada Eduardoning goliga ham Masharipov assistentlik qildi. Mazkur ikki gol dubayliklarga irodali g'alabani taqdim etdi.

Mazkur g'alabadan keyin «Shabob al-Ahli» ochkolarini 32 taga etkazib, 5-o'ringa ko'tarildi.

Doston Hamdamov ijara asosida to'p surayotgan «Hatta» esa o'zbekistonlik futbolchining haqiqiy jamoasi «An-Nasr»ga qarshi bahs yuritdi. Unda dubayliklar so'nggi daqiqalardagi gollar evaziga g'alabani o'ziniki qildi. Hamdamov o'zaro kelishuvdagi shartga ko'ra o'z jamoasiga qarshi o'yinda maydonga tushmadi.

BAA Pro-Ligasi, 18-tur bahsi
26 fevral, juma

«Sharja»—«Al-Jazira» 0:3
Gollar: 0:1 – 14 Muhammad Robiiy, 0:2 – 36 Ali Mabhut, 0:3 – 90+1  Ali Mabhut.

«Shabob al-Ahli»—«Xor-Fakkan» 4:3
Gollar: 0:1 – 20 Marzuq, 1:1 – 28 Juma, 1:2 – 30 Jabir, 2:2 – 46 Juma, 2:3 – 76 Paulinyo, 3:3 – 82 Al-G'assoni, 4:3 – 89 Eduardo.

«An-Nasr» — «Hatta» 2:0
Gollar: 1:0 – 85 Jassim al-Balushi, 2:0 – 90+4 Rayan Mendes.

«Shabob al-Ahli»—«Xor-Fakkan» uchrashuvi videosharhini quyida tomosha qilishingiz mumkin.

Manba: daryo.uz