Gandbolchilarimiz Erondagi musobaqada 3-o'rinni egallashdi

Eron Islom Respublikasi poytaxti Tehron shahrida 19 yoshgacha bo'lgan yoshlar o'rtasida gandbol bo'yicha xalqaro turnir bo'lib o'tdi.

Shu yilning 19-27 fevral kunlari Eron Islom Respublikasi poytaxti Tehron shahrida 19 yoshgacha bo'lgan yoshlar o'rtasida gandbol bo'yicha xalqaro turnir bo'lib o'tdi. Unda O'zbekiston yoshlar terma jamoasi faxrli 3-o'rinni egalladi.

Musobaqada jami 8ta jamoa g'oliblik uchun bahs olib borishdi. Xalqaro turnirda mezbonlar Erondan 3ta jamoa, shuningdek, Bahrayn, Saudiya Arabistoni, Turkiya, Iroq va O'zbekiston yoshlar terma jamoalari ishtirok etdi.

Musobaqa davraviy tizimda tashkil etildi. Vakillarimiz ishtirokidagi o'yinlarda qayd etilgan natijalar bilan tanishing:

Bahrayn – O'zbekistan – 21:27

“Tabriz” (Eron) - O'zbekiston – 23:32

“Yazd” (Eron) - O'zbekiston – 34:35

Iroq – O'zbekiston – 32:31

Eron m.t.j. - O'zbekiston – 30:22

O'zbekiston – Turkiya – 23:20

Saudiya Arabistoni – O'zbekiston – 26:31