Basketbol. «Barselona» finalda «Real»ni mag'lub etib, Qirol kubogini qo'lga kiritdi

Ispaniyada basketbol bo'yicha Qirol kubogi finali bo'lib o'tdi. Unda Madridning "Real" va Kataloniyaning "Barselona" klublari to'qnash kelishdi.

Basketboldagi "el-klasiko" ham o'ta qiziqarli kechdi. O'yinning birinchi va ikkinchi bo'limlaridan so'ng vaziyat taxminan teng bo'lib turgan bo'lsa, uchinchi bo'limdan keyin "Madrid" 14 ochko oldinga o'tib oldi. Biroq to'rtinchi bo'limda kataloniyaliklar tashabbusni o'z tomonlariga og'dirib, hattoki o'yin so'ngida 2 ochkoga oldinga o'tib olishdi. Biroq bahsning eng so'nggi soniyalarida "Real" hisobni tenglashtirdi — 77:77.

Belgilangan qo'shimcha ham tengma-teng kurashlar ostida kechdi. "Barselona" esa so'nggi soniyalarda g'alabani ilib ketishga muvaffaq bo'ldi — 94:93.

Basketbol. Ispaniya qiroli kubogi. Final
Real – Barselona – 93:94 OT (16:20, 19:15, 25:11, 17:31, 16:17)