Yangi formatdagi Chempionlar ligasi finali AQShda o'tkazilishi mumkin

Evropa chempionlar ligasi musobaqasi yaqin yillarda yangi formatga o'tishi kutilmoqda.

UEFA mavsum-2024/2025dan boshlab yangi formatni joriy qilinadi. Unga ko'ra, guruh bosqichida 36ta jamoa ishtirok etadi. Ushbu format kamida 9 yil amalda bo'ladi. Bundan tashqari, tashkilot final uchrashuvlarini boshqa qit'alarda o'tkazishni rejalashtirmoqda. Jumladan, AQShning Nyu-York shahri 2025 yilgi finalni qabul qilish istagini bildirgan.

"Top-klublar o'rtasidagi o'rtoqlik uchrashuvlarini tomosha qilish uchun Amerikada yuz minglab insonlar stadionga kirishga intilishdi. Tijoriy nuqtai nazarda UEFA ushbu imkoniyatni ko'rib chiqishi kerak", — dedi AQShning futbol insayderlaridan biri.

Rejaga ko'ra, turnirning yangi formati guruh bosqichi ishtirokchilari soni 36taga etkaziladi. Har bir jamoa kamida 10ta raqib bilan o'ynaydi. Jamoalar guruhlarga bo'linmaydi, musobaqa yaxlit ligaga aylantiriladi. Jamoalar shaxmatda qo'llaniladigan "shveytsarcha tizim" asosida o'yin o'tkazishadi.

Dastlabki 8ta klub avtomatik ravishda pley-off yo'llanmasini qo'lga kiritsa, undan keyin o'rinni egallagan 16ta jamoa qolgan 8ta yo'llanma uchun kurashni davom ettirishadi.