Viktor Kumikov: «Igor Sergeev bir mavsumda 10-15ta gol urishga qodir»

O'zbekistonlik futbol muxlislariga yaxshi tanish bo'lgan murabbiy Viktor Kumikov Qozog'istonning "Aktobe" klubi a'zosiga aylangan Igor Sergeev haqida o'z fikrini bildirib o'tdi.

"Juda yaxshi hujumchi. Ancha samarador va barqaror o'yin ko'rsatadi. U shunchaki bir yil o'zini ko'rsatib, keyin yo'qolib qolmaydi. Unda markaziy hujumchilarga xos sifatlar bor. Shaxsan menga Sergeev juda yoqadi. Agar menga shunday hujumchini tavsiya qilishganida, bajonudir qabul qilgan bo'lardim.

Nazarimda, u "Aktobe"ning o'yin uslubiga mos keladi. Sergeev avval ham shunday uslubdagi klublarda to'p tepgan. U bir mavsumda 10-15ta gol urishga qodir", - dedi Viktor Balyutovich.

Eslatib o'tamiz, Sergeev — "Paxtakor"ning O'zbekiston chempionatlaridagi eng yaxshi to'purari hisoblanadi. O'tgan mavsumda u "sherlar" safida 24ta o'yinda maydonga tushib, 16ta gol muallifiga aylandi.