Rashidov xet-trik, Xamdamov asosiy tarkibda harakat qildi yoxud o'zbekistonlik legionerlar faoliyatiga nazar
/ Kiritdi: BestMaster Ko'rilgan: 3183
Horijda to'p surayotgan o'zbekistonlik legionerlar qayd etgan natijalar bilan tanishishtirib o'tamiz. Sardor Rashidov O'zbekiston milliy terma jamoasining a'zolari bo'lgan legionerlarimiz o'z klublari tarkibida uchrashuvlarda maydonga tushishdi. Jumladan, Portugaliyaning "Nasonal" klubida to'p surayotgan terma jamoamiz hujumchisi Sardor Rashidov 22-turdan o'rin olgan "Feyrense"ga qarshi o'yinni ajoyib tarzda o'tkazib, xet-trikka erishdi. Rashidov mazkur o'yinning 70-daqiqasida zaxiraga olindi. Uchrashuv 4:0 hisobida "Nasonal" jamoasining g'alabasi bilan yakuniga etdi.
Eldor Shomurodov Terma jamoamizning yana bir hujumchisi Eldor Shomurodov Rossiyaning "Rostov" klubi tarkibida shu kunlarda Ispaniyada yig'in o'tkazmoqda. Kecha "Rostov" klubi Norvegiyaning "Lillestryom" jamoasiga qarshi nazorat uchrashuvi o'tkazdi. O'yin 1:1 hisobidagi durang bilan tugadi. Hamyurtimiz mazkur uchrashuvda to'liq 90 daqiqa harakat qildi.
Doston Tursunov Yaponiyaning "J2" ligasi vakili "Renofa Yamaguchi" a'zosiga aylangan terma jamoamiz himoyachisi Doston Tursunov klubi 17 fevral kuni "Serezo Osaka" jamoasiga qarshi o'rtoqlik o'yini o'tkazdi. Uchrashuv "Renofa Yamaguchi" jamoasining 1:0 hisobidagi g'alabasi bilan yakuniga etdi. Tursunov mazkur uchrashuvning 82-daqiqasida zaxiraga olindi.
Fikr bildirish
Hali hech kim izoh qoldirmagan. Birinchi bo`lib izoh qoldiring :)!!
Fikr qoldirish uchun Ro`yxatdan o`tish lozim!!!