Odil Ahmedov faoliyatini Xitoyning boshqa klubida davom ettirishi mumkin

"Tyantszin Taygers" klubi yarim himoyachisi Odil Ahmedov faoliyatini Xitoyning boshqa klubida davom ettirishi mumkin. Alisher Nikimbaev Xitoy OAVga tayanib xabar tarqatishicha, "Tyantszin" klubi bankrot deya e'lon qilinadi.

Shu bois, "Tsanchjou Mayti Layons" klubi o'zbekistonlik futbolchini o'z safiga qo'shib oladi.  

Ushbu jamoa o'tgan mavsumda "Shitszyachjuan Ever Brayt" nomi bilan chempionatda ishtirok etib, so'nggi pog'onani egallagan. "Tyantszin Taygers" bankrot deb e'lon qilinishi munosabati bilan esa "Tsanchjou" yuqori divizionda o'z o'rnini saqlab qoladi.

Manba: www.stadion.uz.