Gvardiola EChLda favorit jamoa nomini aytdi

«Manchester Siti» bosh murabbiyi Xosep Gvardiola Myonxengladbaxning «Borussiya» klubiga qarshi o'yindan so'ng o'z fikrini bildirib o'tdi.

«Umuman olganda, yaxshi o'ynadik, o'yinni nazorat qildik. Faqatgina bahs so'ngida raqibga imkoniyat berdik. Afsuski, bugun vaziyatlardan foydalanishda u qadar samarali harakat qila olmadik, ayniqsa, darvozabon bilan yakkama-yakka vaziyatlarda. Buni yaxshilashimiz kerak.

Kechagi «Bavariya»ni ko'rganimdan so'ng, musobaqada favorit biz emasmiz, deb o'ylayman. Eng katta muammo — o'yinchilarning tiklanish jarayoni hamda ularni yuqori formaga chiqarish. Agar kimdir bizni favorit deb atayotgan bo'lsa, muammo yo'q — buni qabul qilamiz», - dedi Gvardiola.