Klaudio Markizio Ronalduning ustidan kuldi

"Yuventus" klubi sobiq futbolchisi Klaudio Markizio "keksa sinora" hujumchisi Krishtianu Ronalduning ustidan kuldi.

"Krishtianu Ronaldu raqiblarda hamisha qo'rquv hissini uyg'otadi. Ammo uning 25 metr masofadan yo'llaydigan jarima zarbalari haqida bunday deyish qiyin", – deya yozdi Markizio Tvitter orqali.

Eslatib o'tamiz, portugaliyalik futbolchi "Krotone"ga qarshi o'yinda 7 daqiqa ichida bosh bilan ikkita gol urdi. Ammo Ronaldu tomonidan yo'llangan 2ta jarima zarbasi muvaffaqiyatsiz chiqdi: zarbalarning biri jonli devorga tekkan bo'lsa, ikkinchisidan so'ng to'p darvoza ustidan o'tib ketdi.

Statistikaga ko'ra, Ronaldu "Yuventus" futbolkasida yo'llagan (64ta) jarima zarbalarining uchdan ikki qismi (42) jonli devordan o'tmayapti.

Manba: soccernews.ru