Fernandino mish-mishlarga javob qaytardi

«Man Siti» yarimhimoyachisi Fernandino unga murabbiylar shtabidan taklif bo'lganligi haqidagi xabarga izoh berdi.

«Men hozir bor e'tiborimni o'z jismoniy holatim hamda keyingi uchrashuvlarga qaratganman. U taklifni esa mavsum yakunlangach o'ylab ko'raman. Albatta, o'z klubim meni olib qolmoqchiligi men uchun yoqimli. Biroq, mavsum so'nggiga qadar yakuniy qarorni chiqara olmayman», - deydi futbolchi.

Eslatib o'tamiz, Fernandino «shaharliklar» safida 2013 yildan beri o'ynab keladi. Gvardiola tajribali futbolchining kelajagini murabbiylik bilan bog'lash niyatida.