«Barselona» prezidentligiga nomzod: «Holand va Mbappe transferi imkonsiz ish emas»

Yaqinda bo'lib o'tadigan «Barselona» prezidentligiga saylovlar oldidan nomzodlardan biri Antoni Freysha muxlislarning kutilmagan transfer borasidagi savoliga javob berdi.

«Bizda g'alati aksioma mavjud. Bu erda ehtimoliy transferlar borasida gapirishga qandaydir ta'qiq qo'yilgan. Bu xato strategiya. Nega bo'lmas ekan, Holand hamda Mbappening "Barsa"ga transferi imkonsiz ish emas.

Har bir klub o'z futbolchisiga istalgan paytda narx belgilash huquqiga ega. Bizda mavsum yakunlangach jamoani tark etadigan futbolchilar ko'p. Shunday ekan, yirik transferlarni hozirdan puxta reja asosida shakllantirib borish kerak», - deydi Freysha.