Indzagi: «Raqibning kimligi muhim emas»

«Latsio» bosh murabbiyi Simone Indzagi EChL 1/8 final bosqichi doirasidagi «Bavariya» bilan kechadigan o'yin haqida fikr bildirdi.

«Ertangi uchrashuv mening jamoadagi beshyillik faoliyatim davomidagi eng muhim o'yinlardan biri bo'lishi shubhasiz. Bu erda raqibning kim bo'lishi muhim emas. Biz har qanday holatda ham eng yaxshi o'yinimizni namoyish etamiz.

"Bavariya" Chempionlar ligasida g'olib chiqdi. O'z o'rnida biz ham turli xil finallarda o'ynaganmiz. Tajribali jamoa bilan o'ynash ko'nikmasi shogirdlarimda etarlicha shakllangan», - deydi Indzagi.

Eslatib o'tamiz, «Latsio» hamda «Bavariya» uchrashuvi bugun tunda bo'lib o'tadi.