Paratichi Dibalaning kelajagi borasida gapirdi

«Yuventus» sport direktori Fabio Paratichi hujumchi Paulo Dibalaning ayni holati va shartnoma muddati haqida gapirdi.

«Dibalada haliyam sog'ligi bilan bog'liq muammolar mavjud. U sekin-asta tiklanayotgan edi, biroq chorshanba kungi mashg'ulotlarda ishtirok eta olmadi. Biz albatta uning jamoada qolishini istaymiz. Shartnoma borasidagi jarayonlar kelasi oy hal bo'ladi», - deydi Paratichi.

Eslatib o'tamiz, Dibalaning «Yuventus» bilan amaldagi shartnomasi 2022 yil yozgacha mo'ljallangan.