La liga. «Sevilya» safarda ishonchli g'alabaga erishib, 3-o'ringa ko'tarildi (videosharh)

Ispaniya chempionatining 24-turida «Sevilya» 22 fevral, dushanba kuni «Osasuna» maydoniga safar qildi.

Uchrashuvda andalusiyaliklarning qo'li baland keldi. Bahsning 19-daqiqasida Diego Karlos «Sevilya»ning birinchi to'pini kiritdi. 49-daqiqada Lyuk de Yong jamoasining 2-golini urdi. Bellashuvning qolgan daqiqalarida darvozalarga to'p kiritilmadi.

Ushbu g'alabadan so'ng Xulen Lopetegi shogirdlari 48 ochko to'plagan holda La Liga musobaqa jadvalida «Barselona»ni (47) ortda qoldirib, 3-o'ringa ko'tarilib oldi. Mag'lub bo'lgan «Osasuna» esa o'zining 25 ochkosi bilan 13-o'rinda bormoqda.

Ispaniya La ligasi, 24-tur
22 fevral, dushanba
«Osasuna»—«Sevilya» 0:2
Gollar: 0:1 – 19 Diego Karlos, 0:2 – 49 de Yong.
«Osasuna»: Errera, Vidal (Inigo Peres, 80), Aridane, Sanches, David Garsiya, Monkayola, Oer (Brashanats, 65), Ruben Garsiya (Kaleri, 64), Torro, Barha (Roberto Torres, 64), Budimir (Adrian, 84).
«Sevilya»: Bunu, Diego Karlos, Navas, Rekik, Kyunde, Fernando, Jordan (Gudel, 87), Oliver Torres (Rakitich, 66), Suso (Aleish Vidal, 66), de Yong (An-Nesiri, 80), Munir (Gomes, 80).
Ogohlantirishlar: Munir (67), Vidal (76), Jordan (83), Torro (88).