Italiya grandlari Frantsiya terma jamoasi hujumchisi uchun kurashadi

«Inter» va «Milan» «Lill» hamda Frantsiya terma jamoasi hujumchisi Jonatan Ikonega qiziqish bildirmoqda.

«Milan» futbolchini yozgi transfer oynasidayoq sotib olmoqchi. Shuningdek, Ikona «Lester» va «Chelsi» kuzatuvlari doirasida. 22 yoshli Jonatan asli «PSJ» tarbiyalanuvchisi hisoblanib, «Lill» safida 2018 yildan beri harakat qilib kelmoqda.

Ma'lumot uchun, joriy mavsumda hujumchi 34 o'yin o'tkazib, 7 gol va 5 golli uzatma muallifiga aylangan. Klub bilan shartnomasi 2023 yilning yozigacha amal qiladigan Ikone, bugungacha Frantsiya terma jamoasi tarkibida 4 o'yin o'tkazib, 1 gol urishga muvaffaq bo'lgan.