«PSJ» joriy mavsumda Liga-1ning top-4 klublari bilan o'yinlarda muvaffaqiyatsizlikka uchradi

"PSJ" Frantsiya chempionatining 26-turi doirasida o'z maydonida "Monako"ni qabul qilib, 0:2 hisobida imkoniyatni boy berdi.

Parijliklar Liga-1ning joriy mavsumida yuqori 4ta pog'onasini egallab turgan jamoalar bilan o'zaro bahslarda bor-yo'g'i bir ochko jamg'arishdi.

«Pari Sen-Jermen» «Monako»ga qarshi bo'lib o'tgan dastlabki davrada o'tkazilgan o'yinda 2:3 hisobida yutqazgan edi. Shuningdek, jamoa «Lion» bilan birinchi davra bahsida 0:1 hisobida imkoniyatni boy berdi. Parijliklar «Lill» bilan to'qnashuvda 0:0 hisobida durangga imzo chekkan.

«PSJ» 26-turdan keyin 54 ochko bilan jadvalda 3-o'rinni egallab turibdi. Pochettino jamoasi peshqadam «Lill»dan 4 ochko, 2-pog'onadagi «Lion»dan bir ochko ortda qolmoqda. «Monako» esa 52 ochko bilan 4-o'rinda bormoqda. Ushbu to'rt jamoa qolganlardan ancha ilgarilab ketishdi.