Chernogoriyada yosh bokschilarimiz umumjamoa hisobida birinchi bo'lishdi!

Xabar berganimizdek, o'tgan haftada Chernogoriya davlatida boks bo'yicha 2002-2003 yillarda tug'ilgan yoshlar o'rtasida “Adriatic Pearl” xalqaro turniri o'tkazildi. Quvonarlisi, kecha o'z yakuniga etgan ushbu musobaqada O'zbekiston yoshlar terma jamoasi a'zolari muvaffaqiyatli ishtirok etishdi.

Musobaqa yakuniga ko'ra, yosh yigit-qizlarimiz 5ta oltin, 3ta kumush va 7ta bronza, jami 15ta medalga sazovor bo'lishdi. Ushbu natija orqali O'zbekiston terma jamoasi “Adriatic Pearl” xalqaro turnirida norasmiy umumjamoa hisobida 1-o'rinni qo'lga kiritdi.

Quyidagi yosh bokschilarimiz yurtimizga medal bilan qaytishmoqda:

Oltin:
-49 kg: Ibrohim Ishjanov
-91 kg: Amirshoh Samadov
+91 kg: Jahongir Zokirov

Kumush:
-52 kg: Shahzod Muzaffarov
-56 kg: Dilshod Abdumurodov

Bronza:
-60 kg: Aydos Tagaybaev
-69 kg: Sirojiddin Xojakmetov
-81 kg: Shohjahon Abdullaev

Qizlar:

Oltin:
-48 kg: Farzona Fozilova
-57 kg: Nigina O'ktamova

Kumush:
-51 kg: Sabina Bobokulova

Bronza:
-51 kg: Feruza Kazakova
-64 kg: Gulshoda Istamova.
-69 kg: Sevinchxon Mirxonjonova
-75 kg: Sohiba Ro'zmetova

Biz ushbu muvaffaqiyat bilan yosh bokschilarimiz hamda O'zbekiston boks federatsiyasini muborakbod etamiz. So'nggi kunlarda erishilgan yorqin g'alabalar o'zbek boksining ertasi ishonchli qo'llarda ekanligini yana bir bora ko'rsatdi.