«Napoli» hujumchisi Osimxen «Atalanta»ga qarshi o'yindan hushdan ketdi

«Napoli» hujumchisi Viktor Osimxen Italiya chempionatining 23-turi doirasida «Atalanta»ga qarshi o'yinda boshidan jarohat oldi. Bu haqda neapolliklar rasmiy sayti xabar tarqatdi.

«Osimxen «Atalanta» — «Napoli» uchrashuvining so'nggi daqiqalarida boshidan jarohat oldi. O'yindan keyin u tibbiy ko'rikdan o'tkazildi, ammo bu uning holati haqida aniq xulosa chiqarish uchun imkonini bermadi. Futbolchi ertagacha Bergamodagi shifoxonada qoladi», — deyiladi klub tarqatgan bayonotda.

Eslatib o'tamiz, Osimxen bahs so'ngida «Atalanta» o'yinchisi Kristian Romero bilan to'qnashib, maydonga boshi bilan yiqildi. Natijada Viktor hushini yo'qotdi. Uni zambilda maydondan olib chiqib ketishdi va zudlik bilan shifoxonaga etkazishdi.

«Atalanta» — «Napoli» o'yinida mezbonlarning 4:2 hisobidagi g'alabasi bilan yakulandi. 22 yoshli Osimxen joriy mavsumda barcha musobaqalar doirasida 15ta o'yinda maydonga tushib, 2ta gol urdi va bitta golga uzatma berdi.

Manba: sport24.ru