«Monako» bosh murabbiyi «PSJ» qanday mag'lub etilganiga izoh berdi

«Monako» bosh murabbiyi Niko Kovach Frantsiya chempionatining 26-turi doirasida «PSJ»ga qarshi bo'lib o'tgan o'yin (2:0) borasida o'z fikrini bildirib o'tdi.

«O'yindan qoniqish hosil qildim. «PSJ» — ajoyib jamoa. Biz butun o'yin davomida jiddiy harakat qildik va haqli ravishda g'alaba qozondik. Raqibda vaziyat ko'p bo'lmadi. Shuning uchun o'yinchilarni tabriklayman.

O'yinga reja? Biz Mbappeni zararsizlantirishimiz, uni to'pdan mahrum qilishimiz kerak edi. Shuning uchun uni ta'qib qilish uchun 3-4 futbolchini Kilianga biriktirdik.

Mudofaada esa zo'r o'ynadik va o'zgacha «Monako»ni ko'rsatdik. Raqibning darvozamiz oldida vaziyat yaratishiga imkon bermadik. Mana shunday o'ynash kerak. Biz joriy mavsumda «PSJ»ni ikkinchi marta mag'lub etishga muvaffaq bo'ldik», – dedi Kovach.