Gvardiola: «Artetaning uslubidan ko'p narsa o'rganganman»

«Man Siti» bosh murabbiyi Pep Gvardiola «Arsenal»ga qarshi bahsdan so'ng o'z fikrlarini bildirdi.

«Juda og'ir o'yin bo'ldi. Men sira ham bunday qarama-qarshilikni kutmagandim. Futbolchilarimning ancha ter to'kishiga to'g'ri keldi. Arteta juda aqlli murabbiy. Men uni maqtamoqchi emasman. Chunki u mening do'stim.

Men uning uslubidan ko'p narsani o'rganganman. Aksariyat muxlislar bizning g'alabali seriyamizni shunchaki omadga yo'yishmoqda. Biroq ushbu muvaffaqiyat shu kabi mashaqqatli o'yinlarda qo'lga kiritiladi», - deydi Pep.