A Seriya. Bergamodagi gollar shousida «Atalanta» «Napoli»dan ustun keldi

Italiya chempionatining 23-turi doirasida «Atalanta» o'z maydonida «Napoli»ni qabul qilib, gollarga boy uchrashuvda g'alaba qozondi. Birinchi bo'lim xavfli vaziyatlardan holi va bir muncha sokin o'tgan bo'lsada, ikkinchi taymda darvozalar ketma ket gollarni qabul qila boshladi.

"Atalanta" kiritgan 4 golga "Napoli" raqib darvozasiga yullangan bitta to'p bilan javob qaytara oldi holos. Yana bir gol esa, mezbonlar futbolchisi tomonidan o'zi darvozasiga avtogol sifatida kiritildi. Yakuniy hisob 4:2 va "Atalanta" yana turnir jadvalidagi o'rnini yaxshiladi.

Bergamo klubi ochkolari sonini 43taga etkazib, to'rtinchi o'rindan joy oldi. 40 ochko jamg'argan «Napoli» esa ettinchi pog'onani band etgan.

"Atalanta" – "Napoli" 4:2 (0:0, 4:2) «Adzurri d′Italiya»

Gollar:
1:0 – 52 Sapata, 1:1 – 58 Zelinski, 2:1 – 64 Gozens, 3:1 – 71 Muriel, 3:2 – 75, avtogol Gozens, 4:2 – 79 Romero.

"Atalanta" – Gollini, Toloi, Romero, Gimshiti, Mele (Shutalo, 90), de Ron, Froyler (Pashalich, 78), Gozens, Pessina (Palomino, 84), Sapata (Malinovskiy, 90), Muriel (Miranchuk, 84).

"Napoli" – Meret, Di Lorentso, Rraxmani, Maksimovich (Kulibali, 78), Mariu Ruy (Gulyam, 78), Fabian Ruis, Bakayoko, Politano, Zelinski (Lobotka, 84), Elmaz (Insine, 53), Osimxen.

Ogohlantirishlar:
Di Lorentso (6), Gimshiti (55), Gozens (87).