Oston O'runovning «Ufa»ga transferi tafsilotlari ma'lum bo'ldi

«Spartak»ning o'zbekistonlik yarim himoyachisi Oston O'runov ijara asosida «Ufa»ga yo'l oldi.

20 yoshli futbolchining ijarasi ufaliklar uchun 5,5 million rublga tushadi, deya xabar qilmoqda Metaratings.

O'runov maydonga tushgan har bir o'yinda bu miqdor 400 ming rublga qisqarib boradi — unda futbolchi kamida 45 daqiqada o'ynashi lozim bo'ladi. Mavsumiga 600 ming evroni tashkil qiladigan O'runovning maoshini «Ufa» to'laydi. Shuningdek, boshqirdistonliklarda futbolchini 3 million evroga sotib olish huquqi mavjud bo'ladi.

Biroq moskvaliklar sobiq bosh direktori Shamil Gazizov avvalgi shartnomada ko'rsatilgan ulushdan voz kechadigan bo'lsa, transfer qiymati kamayishi mumkin. Avvalroq agar «Spartak» O'runovni 1 million evrodan ko'proq miqdorga sotiladigan bo'lsa, Gazizov 1 milliondan ortgan miqdorning 50 foiziga ega chiqishi ma'lum bo'lgandi.

Eslatib o'tamiz, O'runov «Spartak»ga aynan «Ufa»dan yo'l olgandi.