Benzema «Atalanta»ga qarshi o'yinda ishtirok etadimi? Zidan javob berdi

«Real» bosh murabbiyi Zayniddin Zidan Ispaniya chempionatining 24-turi doirasida bo'lib o'tgan «Valyadolid»ga qarshi o'yin (1:0) borasida o'z fikrini bildirib o'tdi.

O'yin haqida

«Muhim g'alaba. Ketma-ket to'rtinchi g'alabani qo'lga kiritdik. Biz o'z ishimizni bajarishda davom etishimiz kerak. «Real» natijalarida barqarorlik yuzaga keldi, hammasi joyida. Butun jamoa yaxshi himoyalandi.

Endi esa dam olamiz va «Atalanta»ga qarshi o'yinga yaxshiroq tayyorlanamiz. Natijadan qoniqish hosil qildim».

Benzema haqida

«Uning holatini ertaga ko'zdan kechiramiz. Tavakkal qilmaymiz. Agar u «Atalanta»ga qarshi uchrashuvda maydonga tushishga tayyor bo'lmasa, u holda o'ynamaydi».

Eslatib o'tamiz, «Atalanta» - «Real» uchrashuvi 24 fevral, chorshanba kuni bo'lib o'tadi.