Vadim Abramov: «O'runov o'zi o'yini bilan barchasini isbotlab, «Spartak»ka qaytishi mumkin»

O'zbekiston milliy jamoasi bosh murabbiyi Vadim Abramov «Spartak»dan «Ufa»ga qaytgan Oston O'runov haqida o'z fikrini bildirib o'tdi.

«Barcha narsa O'runovning «Spartak»dan ketishiga qarab borayotgandi. Gazizov ketganidan keyin Oston ham klubdan ketishi mumkinligi haqida xabarlar yuzaga kelgandi. Uning boshqa jamoada qo'nim topishi aniq edi. Agar O'runov «Ufa»da o'yin amaliyotiga ega bo'lsa, uning bu qarori to'g'ri bo'ladi.

Oston «Spartak»ka qaytishi mumkinmi? Har qanday o'yinchida ko'tarilish va pasayish davri bo'ladi. Hammasi yarim himoyachining o'ziga bog'liq. U o'z o'yini bilan barcha narsani isbotlashi va «Spartak»ka qaytishi mumkin. Bunday holatlar uchrab turadi», — dedi Abramov.

Manba: sport24.ru