Shomurodov gol urgan uchrashuvda, “Jenoa“ jangovar durang qayd etdi

Italiya A Seriyasining 23 turidan o'rin olgan uchrashuvda “Jenoa“ o'z maydonida “Verona“ga qarshi bahs olib bordi. “Luidji Ferraris“ o'yingohida kechgan bahs tomonlarning jangovar durangi bilan yakunlandi.

Teng kurashlar ostida o'tgan o'yinning birinchi bo'lim boshlarida mehmonlar hisobda oldinga chiqib olishdi. Tanaffusdan so'ng, hamyurtimiz Eldor Shomurodov zahiradan maydonga tushib, o'z goli orqali o'rtadagi muvozanatni tikladi.

Oradan biroz vaqt o'tgach “Verona“ vakillari yana bir bor genuyaliklar darvozasini ishg'ol etishdi. Uchrashuvning asosiy vaqtigacha saqlanib qolgan ushbu hisob, o'yinga qo'shib berilgan daqiqalarda o'zgardi va “Jenoa“ yana gol urib, yakunda 2:2 xisobi bilan qiyin uchrashuvda bir ochko olishga muvaffaq bo'ldi.

Bugungi, nihoyasiga etgan qarama-qarshilikdan so'ng, “Jenoa“ 26 ochko bilan o'n birinchi o'rinda bormoqda, bugungacha 34 ochko jamg'argan “Verona“ esa to'qqizinchi pog'onani band etgan.

"Jenoa" – "Verona" 2:2 (1:0, 2:1)

"Luiji Ferraris"

Gollar: Ilich (17, 0:1), Shomurodov (49, 1:1), Faraoni (61, 1:2), Badelj (90+5, 2:2).

"Jenoa" – Perin, Chiborra (Pellegrini, 46), Masello, Krishito, Dzappakosta, Badel, Radovanovich, Zayts (Shomurodov, 46), Strotman (Pandev, 67), Pyatsa (Rovella, 55), Destro (Skamakka, 67).

"Verona" – Silvestri, Gyunter, Lovato (Chetin, 46), Manyani, Faraoni (Ronaldu Vieyra, 68), Tamez, Lazovich, Dzakkani, Ilich, Barak, Lazanya.

Ogohlantirishlar: Strotman (57), Chetin (74).

Manba: stadion.uz