Hamidjon Aktamov: «Qizilqum» Superliga jamoalariga syurpriz tayyorlab qo'ygan»

"Qizilqum" bosh murabbiyi Hamidjon Aktamov Superliganing yangi mavsumiga tashlangan qur'a borasida o'z fikrini bildirib o'tdi.

"Qur'a bizga chempionatning birinchi turini uyda boshlashimizga imkon yaratdi, bu albatta yaxshi. Superliganing ilk turini muxlislarimiz qarshisida o'tkazish yoqimli xol. Baribir hamma jamoa bilan kuch sinashib chiqish lozim, shuning uchun qur'a bizga og'ir yoki engil keldi deyish mantiqqa to'g'ri kelmaydi.

Jamoa haqida gapiradigan bo'lsam, oldingi yillarga qaraganda ancha yaxshi shakllangan va o'zagi saqlab qolindi, shuningdek ichki muhit ham, ko'z tegmasin, a'lo darajada.

Shularning barchasini inobatga olib, bu mavsum "Qizilqum" Superliga jamoalariga syurpriz tayyorlab qo'ygan deb ayta olaman. Maqsadimiz jiddiy..." - dedi Hamidjon Aktamov.