Polsha chempionati. «Legiya» yirik hisobda g'alaba qozondi

«Legiya» klubi bugun Polsha chempionatining 18-turi doirasida o'z uyida «Visla»ni qabul qilib, yirik hisobda g'alaba qozondi.

Varshavaliklar dastlab 3ta gol urib olishgan bo'lsa, mehmonlar tanaffusga qadar 2ta to'p kiritishga muvaffaq bo'lishdi. "Legiya" ikkinchi taymda raqib darvozasiga yana ikki marta yo'l topdi va hisobni 5:2ga etkazdi.

O'zbekistonlik hujumchi Jasur Yaxshiboev o'yin qaydnomasiga kiritilgan bo'lsa-da, u maydonga tushirilmadi. Ma'lumotlarga qaraganda, avvalroq Jasur jamoa mashg'ulotlarida engil jarohat olgani haqida xabar tarqalgan edi.

Bugungi g'alabadan so'ng "Legiya" o'z ochkolarini 36taga etkazib, peshqadamga aylandi. Chunki shu paytgacha peshqadam bo'lib turgan "Pogon" kecha mag'lubiyatga uchragan edi.

Polsha chempionati, 18-tur
«Legiya» - «Visla» - 5:2 (3:2)
Gollar: Mladenovich (10-pen., 40), Kapusta (16), Lukinyas (49, 80) — Lagator (43), Lesnyak (45+2)

Manba: www.stadion.uz.