Klopp: «Normal mavsumda «Siti» bizdan 16 ochko oldinga o'tib ketmagan bo'lardi»

"Liverpul" bosh murabbiyi Yurgen Klopp jamoa peshqadam "Manchester Siti"dan ancha ortda qolib ketgani borasida o'z fikrini bildirib o'tdi.

"Biz hech qachon "Siti"dan qanday qilib o'tib ketish haqida yoki yana qanday qilib Angliyaning eng yaxshi jamoasi bo'lish haqida o'ylamaganmiz. Biz shunchaki o'zimizning eng yaxshi o'yinimizni ko'rsatishni istayman. Buning uchun bizda imkoniyat mavjud. Agar buni uddalasak, yaxshi bo'ladi. Boshqa jamoaning bizdan yaxshiroq holatda bo'lishi sportda uchraydigan jihat.

Biz o'z imkoniyatimizdan yaxshiroq o'ynay olmaymiz. Biz eng yaxshi holatimizga qaytishga harakat qilamiz. Buning uchun esa bizga omad ko'proq kerak. Jarohatlar borasida omad ko'proq kerak.

Normal mavsumda biz "Siti"dan 16 ochko ortda qolmagan bo'lardik. Buni Pep ham tasdiqlasa kerak", — dedi Klopp.