Bobur Abduxoliqov nima uchun 16-raqamni tanlaganiga izoh berdi

Ukrainaning "Rux" klubi a'zosiga aylangan Bobur Abduxoliqov yangi jamoasida 16-raqamli futbolkada o'ynaydigan bo'ldi. U nima uchun mazkur raqamni tanlaganiga izoh berib o'tdi.

"Avval bu jamoada 16-raqamli futbolkada Maksim Shatskix o'ynagan. Shuning uchun men ushbu raqamni tanladim. Maksim — o'zbek va ukrain futboli afsonasi. Menga uning o'yinlari yoqardi", — dedi Bobur Abduxoliqov klub matbuot xizmatiga bergan intervyusida.