Aguero: «Mavsum so'ngida qaysi jamoaga o'tishimni bilmayman»

«Manchester Siti» hujumchisi Serxio Aguero kelasi mavsumda faoliyatini qaysi jamoada davom ettirishini bilmasligini aytib o'tdi.

«Mavsum yakunlanganidan so'ng qaysi jamoaga yo'l olishimni bilmayman. Bu haqda zarracha tasavvurga ega emasman. Ko'ramiz, qaysi jamoa meni kutib turgan ekan», — dedi Aguero "The Sun" nashriga bergan intervyusida.

32 yoshli argentinalik futbolchining «shaharliklar» bilan shartnomasi 2021 yilning yozida yakunlanadi.

Aguero joriy mavsumda barcha musobaqalar doirasida 9ta o'yinda maydonga tushdi. Uning xizmatlariga «Barselona» qiziqish bildirmoqda.