Eto’Odan Geynrixgacha. Odil Ahmedovning o'zi birga o'ynagan futbolchilardan iborat ramziy terma jamoasi

O'zbekiston terma jamoasi va Xitoyning «Tyantszin Teda» klubi yarim himoyachisi Odil Ahmedov «Sports.uz» saytiga bergan intervyusida o'zi bilan birga o'ynagan futbolchilardan iborat ramziy terma jamoa tuzdi.

Ramziy terma jamoadan o'zbekistonlik ikki nafar futbolchi o'rin oldi. Bular: Islom Inomov va Aleksandr Geynrix. Ahmedov har ikkala futbolchi bilan ham «Paxtakor»da, ham O'zbekiston milliy terma jamoasida birga to'p tepgan.

To'liq tarkib quyidagicha ko'rinish oldi:

Darvazabon: Andrey Dikan («Krasnodar»)

Himoyachilar: Islom Inomov (O'zbekiston va «Paxtakor»), Andreas Grankvist («Krasnodar»), Yuriy Jirkov («Anji»);

Yarim himoyachilar: Lassana Diarra («Anji»), Villian («Anji»), Oskar, Xalk («Shanxay SIPG»), Oleg Shatov («Anji»);

Hujumchilar: Samyuuel Eto’O («Anji») Aleksandr Geynrix (O'zbekiston va «Paxtakor»).

Bosh murabbiy: Andre Villash-Boash («Shanxay SIPG»).

Odil faoliyati davomida «Paxtakor» (2006—2011), «Anji» (2011—2014), «Krasnodar» (2014—2016) va «Shanxay SIPG» (2017—2020) kabi jamoalarda harakat qilgan.