Evropa Ligasi. «Manchester Yunayted» va «Tottenhem» safarda yirik g'alabaga erishdi, «Milan» so'nggi daqiqada g'alabani qo'ldan boy berdi

Evropa Ligasining 1/16 final bosqich dastlabki bahsidan o'rin olgan bir qator uchrashuvlar 18 fevral, payshanba kuni bo'lib o'tdi.

«Manchester Yunayted» Turinda «Real Sosedad»ga qarshi bahs yuritdi. Inglizlarning yaqqol ustunligida o'tgan uchrashuvda Brunu Fernandesh 27 va 57-daqiqalarda dubl qayd etdi. 64-daqiqada Markus Reshford «qizil iblislar»ning 3-golini kiritdi. Bahsning so'nggi daqiqalarida Deniel Jeyms yakuniy nuqtani qo'ydi — 0:4.

«Milan» Serbiyaning «Tsrvena Zvezda» jamoasi mehmoni bo'ldi. Uchrashuvda jangovar durang qayd etildi. Bellashuvning birinchi bo'limi «Tsrvena Zvezda» a'zosi Radovan Pankovning avtogoli bilan yakunlandi. 52-daqiqada Gelor Kanga hisobni tenglashtirdi. Oradan 9 daqiqa o'tib, Teo Ernandes penaltidan aniq foydalangan holda Milan jamoasini oldinga olib chiqdi. Uchrashuvning so'nggi daqiqasida serbiyalik futbolchi Milan Pavkov gol kiritib, jamoasini mag'lubiyatdan qutqarib qoldi.

Ushbu bosqichda «Tottenhem» Avstriyaning «Volfsberg» jamoasi bilan to'qnash keldi. Bellashuvning 13-daqiqasida Son Hyon Min angliyaliklarni hisobda oldinga olib chiqqan bo'lsa, 28-daqiqada Garet Beyl jamoasining ikkinchi golini urdi. 4 daqiqa o'tib Lukas Moura hisobni yirik ko'rinishga olib keldi. «Volfsberg» ushbu gollarga 55-daqiqada Mixail Lindlning yagona goli bilan javob qaytardi. Karlos Vinisius «Tottenhem»ning 4-golini 88-daqiqada kiritdi.

Mazkur qarama-qarshiliklarning javob uchrashuvlari 26 fevral kuni bo'lib o'tishi rejalashtirilgan.

Evropa ligasi, 1/16 final dastlabki bahslari
18 fevral, payshanba

«Real Sosedad» Ispaniya — «Manchester Yunayted» Angliya 0:4
Gollar: 0:1 – 27 Brunu Fernandesh, 0:2 – 57 Brunu Fernandesh, 0:3 – 64 Reshford, 0:4 – 90 Jeyms.
«Real Sosedad»: Remiro, Le Norman, Saldua (Gorosabel, 73), Monreal, Subeldiya, Merino, Silva, Yanuzay (Portu, 80), Ilyarramendi (Gevara, 74), Oyarsabal (Bautista, 86), Isak (Barrenechea, 80).
«Manchester Yunayted»: Henderson, Uan-Bissaka, Maguayr, Bayi, Telles, Fred, Jeyms, Maktominey (Matich, 60), Brunu Fernandesh (Mata, 83), Reshford (Marsyal, 68), Grinvud (Diallo, 83).
Ogohlantirishlar: Uan-Bissaka (8), Le Norman (88).

«Tsrvena Zvezda» Serbiya — «Milan» Italiya 2:2
Gollar: 0:1 – 42, avtogol Pankov, 1:1 – 52, penalti Kanga, 1:2 – 61, penalti Teo, 2:2 – 90 Pavkov.
«Tsrvena Zvezda»: Boryan, Rodich, Milunovich, Degenek, Gobelich (Gayich, 74), Ivanich (Bakayoko, 80), Kanga, Ben-Nabuan (Falko, 62), Petrovich (Sanogo, 81), Pankov, Falchinelli (Pavkov, 81).
«Milan»: Donnarumma, Romanoli, Tomori, Kalulu, Teo (Diogu Dalot, 78), Bennaser (Tonali, 39), Krunich, Kastilexo, Meyte, Rebich (Rafael Leau, 46), Manjukich (Chalxono'g'lu, 82).
Ogohlantirishlar: Romanoli (51), Milunovich (54), Rodich (57), Manjukich (71), Donnarumma (90).
Chetlatish: Rodich (77).

«Volfsberg» Avstriya — «Tottenhem» Angliya 1:4
Gollar: 0:1 – 13 Son Hyon Min, 0:2 – 28 Beyl, 0:3 – 34 Lukas Moura, 1:3 – 55, penalti Lindl, 1:4 – 88 Vinisius.
«Volfsberg»: Kofler, Sherser, Lochoshvili, Novak (Pavelich, 81), Baumgartner, Lindl, Taferner (Henriksson, 46), Shprangler (Giorbelidze, 65), Vernitsnig, Vizinger (Shtratsnig, 46), Yovelich (Deng, 65).
«Tottenhem»: Loris, Alderveyreld, Devis, Doerti, Dayer, Sissoko (Hyoyberg, 78), Alli (Ndombele, 78), Beyl (Lamela, 64), Lukas Moura (Bergveyn, 65), Son Hyon Min (Vinisius, 46), Uinks.
Ogohlantirishlar: Alli (42), Sissoko (54), Shprangler (62), Hyoyberg (81).

Benfika Portugaliya – Arsenal Angliya 1:1 (0:0, 1:1)
Gollar: 1:0 – 55, penalti Pitstsi, 1:1 – 57 Saka.
Benfika – Elton Leyte, Vertongen, Otamendi, Lukas (Shikinyu, 85), Grimaldo, Pitstsi (Everton, 64), Taarabt (Gabriel, 77), Diogu Gonsalvesh, Vaygl, Nunes (Seferovich, 64), Valdshmidt (Rafa Silva, 46).
Arsenal – Leno, Gabriel, Belerin, David Luiz, Soaresh (Tirni, 64), Djaka, Sebalos (El-Nenni, 90), Saka, Edegor (Villian, 90), Smit-Rou (Martinelli, 77), Obameyang (Pepe, 77).

«Yang Boyz» Shveytsariya — «Bayer» Germaniya 4:3
Gollar: 1:0 – 3 Fassnaxt, 2:0 – 19 Sebatsho, 3:0 – 44 Elia, 3:1 – 49 Shik, 3:2 – 52 Shik, 3:3 – 68 Diabi, 4:3 – 89 Sebatsho.

«Olimpiakos» Gretsiya – PSV Niderlandiya 4:2
Gollar: 1:0 – 9 Buxalakis, 1:1 – 14 Zaxavi, 2:1 – 37 Mvila, 2:2 – 39 Zaxavi, 3:2 – 45 al-Arabi, 4:2 – 83 Masuras.

«Slaviya» Chexiya — «Lester» Angliya 0:0

«Braga» Portugaliya – «Roma» Italiya 0:2
Gollar: 0:1 – 5 Jeko, 0:2 – 86 Mayoral.