BAAdagi o'zbekcha duelda Jaloliddin Masharipov jamoasi so'nggi daqiqalarda 2 ta gol urib, Doston Hamdamov jamoasini taslim qildi

BAA chempionatining 17-turidan o'rin olgan ikki o'yin 18 fevral, payshanba kuni bo'lib o'tdi.

Dostonbek Hamdamov to'p suradigan «Hatta» klubi o'z uyida Jaloliddin Masharipovning «Shabob al-Ahli» jamoasini qabul qildi. Dastlab uchrashuvning 58-daqiqasida Nahir Basera mezbonlarni hisobda oldinga olib chiqdi. Biroq 86 va 88-daqiqalarda «Shabob Al-Ahli» ikki to'p kiritib, g'alabani ilib ketdi.

Ushbu uchrashuvni ikki o'zbekistonlik futbolchi ham asosiy tarkibda boshladi, Dostonbek Hamdamov 62-daqiqada zaxiraga olindi. Mazkur bahsni o'z foydasiga hal qilgan «Shabob Al-Ahli» 17 turda 29 ochko to'plagan holda 5-o'rinda bormoqda. «Hatta» esa atigi 5 ochko bilan so'nggi o'rinda qayd etilgan.

Otabek Shukurovning «Sharja»si «Ad-Dafra» maydoniga safar qildi. Bellashuvda kuchlar teng keldi. Uchrashuvda o'zbekistonlik futbolchi to'liq harakat qildi. Shu tariqa «Sharja» 17-turdan so'ng o'zining 37 ochkosi bilan peshqadam bo'lib turibdi.

BAA Pro-Ligasi, 17-tur bahslari
18 fevral, payshanba

«Hatta»—«Shabob al-Ahli» 1:2
Gollar: 1:0 — 58 Nahir Besara, 1:1 — 86 al-G'assoni, 1:2 — 87 Muhammad Juma.
Chetlatish: Habib Yussuf — 85 («Hatta»).

«Ad-Dafra»—«Sharja» 1:1
Gollar: 0:1 — 32 Velliton, 1:1 — 43 penalti Pedro Konde

Manba: daryo.uz