Antonio Kassano: «Ronaldu qiyinchilik bilan Pirlo g'oyalariga moslashmoqda»

Italiya terma jamoasi sobiq hujumchisi Antonio Kassano «Yuventus»ning Evropa chempionlar ligasi nimchorak final bosqichi doirasida «Portu»ga qarshi bahsida (1:2) harakat qilgan Krishtianu Ronalduni tanqid qildi.

«Men bir gapni hamisha takrorlab kelyapman. U qanchalik noyob iqtidor egasi va milliardlab gol urgan bo'lmasin, Ronaldu qiyinchilik bilan Pirlo g'oyalariga moslashmoqda. U har bir o'yinda bittadan gol urmasin, Pirloning g'oyalari unga qiyinlik qilmoqda.

U hamisha biroz xudbin bo'lgan, boshqalar gol uradimi yoki yo'qmi, unga farqi yo'q. Ronaldu – faqat gol uchun yashaydigan futbolchilar toifasidan. U futbol uchun, ajoyib uchrashuv uchun yashamaydi, u gollar uchun yashaydi. Hozirda vaziyat yomonlashib bormoqda.

Hamma qariydi, Ronaldu ham qiyinchiliklarga duch kelmoqda. «Yuventus» Ronaldu tufayli o'z g'oyalarini o'zgartirishga va boshqacha futbol o'ynashga harakat qilmoqda», – dedi Kassano.